2010年3月2日 星期二

我宁愿唔结

以下纯粹别人意见, 并代表小瓶子立场.

某些接新娘游戏是很过火的, 玩法是要新郎哥跪下, 然后拿着鲜花, 讲出肉麻情话, 模拟求婚过程.

男儿膝下有黄金, 岂可为一个女人当众下跪? 我宁愿唔结.

某些传统习俗是很无理的, 例如要去男女家分别向长辈倒茶. 为什么你地老我就要跪响度倒茶比你地吖? 我为什么要满足长辈的虚荣心吖?

就算我未婚妻有跪番我父母, 但结婚而要响长辈倒茶呢件事本身就系错. 我们岂可为结婚而向长辈下跪? 我宁愿唔结.

某些约定俗成的传统根本无道理可言, 例如结婚摆酒. 我摆酒是请大家吃饭, 一次过告诉大家我结婚的消息, 点解要收人情吖? 收左人情即系我派帖请你地饮, 但其实系你地自己出钱来食一餐好贵既饭. 所以我摆酒你比人情即系唔当我朋友, 我会同你绝交.

如果所有人坚持要比人情, 我宁愿唔结.

结了婚更加多无理的传统要求, 例如新年要封利是. 我结了婚要供楼供车, 种穷过未结婚之前, 你地凭什么要我派利是? 因为结了婚标签左我? 就算人地有回礼, 将来生左仔人地会派番利是比佢, 但呢个传统本身就系唔合理吖嘛!

如果结了婚要派利是, 我宁愿唔结.

14 則留言:

林忌 提到...

旅行結婚吧!

我也是這樣做的 :)

Betty 提到...

以上纯粹别人意见, 并不代表小瓶子立场.

Ebenezer 提到...

虧妳為咗唔想結婚而要諗咁多理由出嚟^^

Betty 提到...

一场误会, 唔系讲我自己架.

Hana 提到...

將我宁愿唔结變成我寕愿結咗都冇人知都得遮...

匿名 提到...

說得好!中國人的習俗真麻煩.

韻味熊貓 提到...

小瓶子:

讓佛爺算一下你的心事。

你近幾篇帖子都講及結婚的事宜,你是否想向男朋友求婚呀?

所以,就在這裡集思廣益,看一下如何攪一個反傳統,又前衛的婚禮!

你放了那篇要dum男朋友3, 5, 7年的帖子後,就不斷放有關結婚的帖,你潛意識裡恨嫁的慾火已經燒到上意識喇!

你不如先去買戒指,然後約男朋友到你家燭光晚餐,灌醉他,跟住把戒指戴在他手上,實行先嫁後婚。嘻嘻!

C.M. 提到...

哦,原來係人地講既... 嚇得佢丫

(又,查實講果位既潛臺詞,係咪想嫁外國人呢?)

Betty 提到...

或者娶西人都得.

GuiltySky 提到...

噢,長輩們總告訴我接受社會束縛就叫長大呢

是長大還是長不大?

方潤 提到...

"我摆酒是请大家吃饭, 一次过告诉大家我结婚的消息, 点解要收人情吖? 收左人情即系我派帖请你地饮, 但其实系你地自己出钱来食一餐好贵既饭"

這想法未免又太偏激。婚宴固然是為了讓所有人知道你結了婚、分享快樂。但人家做人情的本質是體諒你結婚要花很多錢,所以「夾錢」幫忙。
道理等於人家死了父母,大家也會送帛金,旨在聊表心情略施援助。難道又要問﹕「我是為了讓大家送父母最後一程,點解要收帛金﹖你地送帛金我絕交架﹗」

當然,既是如此,禮金帛金的本質都是心意為主。所以有些人聲稱,如果人家去酒店擺酒,你就應該付多一點禮金,這種說法我是反對的。我支持你結婚,不等於要支持你奢侈,我可沒這種能力。你自己奢侈得起就自己搞,不要旨望別人給錢你去豪花。

過內人 提到...

佢都低能,無人話一定要點一定要點,佢大可以唔做。

挑,咁佢細個未撚收過利是、未去飲過咩。

我無話係咪一定要做或者做咗就係好,但無話佢無得揀囉。

匿名 提到...

Ebenezer你真係唔明,就係有人恨嫁但又唔好意思照直講,咪冇停口話唔急囉!即係有人鍾意左一個人又唔敢認,就一日借d耳提下提下冇停口!

匿名 提到...

匿名
我都係咁諗. 你睇佢平時態度咁自大咁要面就可知一二. 又可能借我地迫條仔為佢講句"你地唔好話佢, 我係要娶佢"