2009年5月25日 星期一

通识教育


香港要搞「通识教育」, 第一件事应该是训练电车男的搭訕技巧. 这对他们下半生及下半身的幸福, 至关重要.

有朋友在健身房学跳舞时, 遇到一位可怜的电车男.

电车男(口吃): 「你地可唔可以教我跳舞?」

朋友: 「我地0岩0岩先学, 唔系好识跳哦.」

电车男(口吃): 「唔紧要啦, 你地跳, 我跟住跳.」

朋友: 「ei......好吖.」(继续跳左两下.)

电车男(口吃): 「其实你地有无男朋友吖?」(无跟住跳, 企响到眼甘甘.)

朋友A: 「哈? 有.」(其实系无0既.)

朋友B: 「哈? .......」(无答.)

然后两个朋友鸡甘脚走左.

32 則留言:

詩白爾 提到...

我個人經歷而言,呢D無得教架喎....
技巧都係自己一步步學下又練下咁番黎...

又其實果位仁兄一開始實在捻得太多...

P.S.小瓶子姐姐你係咪想開間「電車男追女訓練學校」?

Betty 提到...

ei....不如搵人搞我点沟仔先啦. 几年都沟唔到一条返来.

匿名 提到...

瓶子,是否外表或性格問題?倘若是,教亦沒用。

Betty 提到...

仪容无问题,但D对话甘骑呢....点搵到食吖?

第三句就问人地有无男朋友, 系人都被吓走左啦.

同埋, 点解通识教育无教写情信? 教人调情技巧, 以往D乜乜大文豪点样用字遣词, 点作情诗.

读甘多年书, 又无人教风水玄学. 呢D survival skills, 点解唔教先?

你睇下陳振聰, 简直系学有所成, 风水界一哥, 港男偶像啦!

Plastic G 提到...

我有朋友試過俾人第一句問: 你係咪好難追架? xdd

其實做朋友方面我自己幾欣賞呢d 人夠坦白直接,但愛情遊戲都係離唔開 "吊癮".. 我覺得你愈"釣"到人癮,你成功機會就愈大.

不過首要既係,點樣令人上釣先..xdd

Betty 提到...

大老, 三唔识七, 马上交代祖宗十八代, 以前结婚离婚有几多条仔既history以证明自己难追(or 易追) ?

呢D野, 第一句已经讲明晒, 种有乜意思?如果系甘, 不如一开始上床啦, 唔驶烦!

Plastic G 提到...

所以佢地咪冇情趣囉.. 同佢地拍拖唔激死.. 都悶死.. 哈哈!!

兩睇啦, 如果佢好靚仔既, d 女仔可能會覺得佢坦白得黎激可愛, 想一啖食左佢落肚都未定架!

我自己就鍾意呢類傻氣d 既, o個d 懶有深度既就冇咩好感. xdd

黑人 提到...

香港通識課程如果教,個個跟晒model answer來做,咪一樣無癮,算吧啦。

Betty 提到...

Plastic G:

有人问: 「你係咪好難追架?」
如果讲呢句野系笑笑口, 眼神有D挑逗甘或者都OK既.

不过, 只适用于型男或者靓仔咯.

真的有个甘样既人, 你会点答呢?

黑人:

你开班授徒啦. 正所谓救人一命,勝造七级浮屠.

Plastic G 提到...

講呢句說話既男仔外表都係 Peter 哥類型.. 不過份人係 ok 的, 心地亦很好!

當時我都o係現場, 我聽到就笑爆咀, 但我朋友即時反面呀!! xdd

諗深一層, 如果d 女仔令Peter 哥類男性覺得有機追到既, 即是話唔多唔少, 呢d 女仔o係人地心目中都係差唔多level 既人卦.. =p

Betty 提到...

其实Peter 仔最大问题, 系他话: 「想搵嗰女朋友返来, 比晒D钱佢....想嗰女朋友管教佢.」

其他都唔系好大问题.

Plastic G 提到...

To: 小瓶子

呢個心態點會係大問題? 如果係出自大劉把口,d 女人肯定個心甜到漏.

只係Peter 哥用左d 好詫異恐怖既神態講出黎..令人覺得好變態者哈哈!!

Peter 哥單野真係..得啖笑! 記唔記得以前百萬富翁有集有個畫漫畫既女仔愛上左個失明人士.

其實,有缺憾唔係問題,只要個人有志氣,身上至少有一忽似返個男人咪得囉.問題係,上個節目俾人當小丑咁舞都唔覺得係問題,先係最大問題!! 一睇佢就知冇得救!xdd

Betty 提到...

>>> 呢個心態點會係大問題?

呢个系好现实既问题.靚仔当然多人中意D啦.

大劉讲, 我唔会觉得有乜特别吸引. 但如果系权相佑, 甘我就晕低啦...哈哈哈!!!

匿名 提到...

有了銀兩成個影城買下日日對住權生都個啦!
都係大劉說話吸引些...

桃子

Plastic G 提到...

就算大劉要講, 都未必會同而家身邊得寵o個兩個女伴講啦哈哈!!

因為稀有, 先特別覺得珍貴啊!! xddddddd

Betty 提到...

甘比钱买权相佑就无意思啦, 当然系佢埋来撩我过瘾啦.

匿名 提到...

講真大劉女人我就吾多恨做亦吾多識做,要生仔又要爭風呷醋味用個手袋都有指定牌子果幾款好似比人讚助咁!這種生活太乏味.如果我有層細細地自己樓吾洗供拿住幾百萬就好滿足了!我的大志係咁上下的了.

桃子

桃子 提到...

唉!瓶仔妳都係幻想少女!

桃子

Betty 提到...

依? 我系有层细细地既自己楼供完唔驶供哦.. 至于嗰几百万, 储紧啦, 储到就好啦...哈哈哈....

桃子 提到...

嘩...好叻啊
瓶仔你人仔細細就供完層樓,小富婆.
我而家都係租屋住乍!

Betty 提到...

所以, 其实我年纪唔细啦~~

桃子 提到...

鐘意權權都吾會老得去邊啦!

Betty 提到...

我嗰friend 既阿妈, 都中意权权哦...

匿名 提到...

瓶子,我差你年紀應不會太大,看你的照片,該約三十五歲,能在此年紀前供完樓,你很棒啊

陳大文部落 提到...

ei....不如搵人搞我点沟仔先啦. 几年都沟唔到一条返来


>>> 你意思係「搵人搞下你」,定係「搵人教你媾仔」?

如果係「搵人搞下你」,哦,咁好易嗟,唔難嘅唔難嘅。

如果係快速媾下仔,蘭桂芳幫到你。

陳大文部落 提到...

瓶子現在係三十歲,慘喇,看照片似卅五,可能係攝影問題....

Betty 提到...

OH... 误会误会, 搵人教我媾仔乍!!!

我嗰样可能老D卦..哈哈哈..

Betty 提到...

小瓶同志妳好,我係hehehahavevewawa,唔該妳將以下的貼在妳的Blog留言上,多謝!


其實大部份電車男都唔會咁講野,
佢可能係個種嬌生慣養既 mother's boy,
或者想做心理測試,順便彈開條女,自己多D空間跳舞.
我個人會推介各位電車兄去死記兩句說話,
1)這刻我們在此相遇
2)妳我生活從此改變
呢兩句說話唔講得,但係所有對話都要來自它們,語氣要始終一致.
咁就好free,講咩都得,保持呢兩句說話作核心就可以喇.
喜歡文藝D,市儈D,搞笑D,老土D...適隨專便.
可以講下小瓶子部落點樣擺到明寸D港男.
陳大文部落D"貓仔狗仔蛋糕仔".
咁又得,咁都得...得左!

桃子 提到...

30歲應該擁有成熟社交圈子.也不是去蘭桂坊搵一夜情而且果度太出名亞豬亞狗都湧去溝人或被溝,真係沒有好貨色.
妳未就做姐妹...可能婚宴識反個朋友仔仲大D機會.

Betty 提到...

>>> 30歲應該擁有成熟社交圈子...

0米成班女咯.

聶秀康 提到...

D仔去晒邊?

親友
公司同事
舊同學
職外活動的友人(你好似都幾多活動又行山踏車yoga...)

Betty 提到...

亲友? 无乜..

公司同事? 阿叔, 做得我阿爸既年纪, 有晒老婆仔女...

旧同学? 大学D旧同学通通沟晒, 变左EX. 中学女校, 要转性取向先沟得啦.

职外活动? 都系一班女多哦...而且系无男朋友既女为主, 甘即系无仔 refer 啦!