2008年11月8日 星期六

转载: 穿戴聽看網不盡

減壓良方

近 來壓力甚大的西先生,常常致電我,他說這樣能減壓。前陣子我跟他說,喂不如一起去旅行啦又,工作讓人好想死。昨天他舊事重提,談到去旅行的事情。他說,我 們可以三個人一起去旅行(我,西先生,及他的。女。朋。友。)。他還說,他女朋友更提議,我們可以三個人一間房(!)(為了慳錢!!)。錢,當然我也想 慳,但他們是情侶喎。
西:就咁啦,三個人一間房。
我:吓?!?!?!?!!?!?!?!??!?!?!
西(自知有點過份):不過都係唔好,陣間我同你狂無聊,冷落左佢咁點呀,佢實好悶。
我:吓?吓!吓??我怕你地到時狂做愛,咁我真係唔知點。都唔知匿去邊,凌晨兩點又唔想自己落街。
西:係喎又………。
我:點可能三個去架?係咪神架你!!

+++++

說到減壓,我常有新鮮的點子來幫他。今次的,是這樣的。我知道西爸爸一直不主張家裡有寵物,又要清潔又要打理,於是我有這樣的提議。

我:拿,你同你爸講,「喂亞爸,今晚我拎隻唐狗返唻養呀!」睇下佢咩反應。(得罪了世伯,唉)
西:哇,佢實好大反應架喎,到時唔係減壓啦,直情係解脫啦,佢實拎刀捅我。
我:你試下先啦!快d啦,家下就出去講!(當時西爸爸在家的客廳,而西先生則在房間裡)睇下你爸點。(一邊講,自己一邊在公司狂笑!我究竟咩事呢?)
西:咁嘛,係咪真係減到壓架?好啦!(又真的出去同他爸講喎,我聽到他的腳步聲,跟著同他爸講,「喂,老豆,陣間我拎隻狗返唻呀!」)

OK,此時在電話旁的我,已笑到休克!何解我們連世伯都要玩呢?……因為,想減壓囉!但為說跟他爸爸這句話,可以減壓先?.........我也不知道喎。

而西爸爸實在是知子莫若父,明白自己的兒子實在(長期)無聊,也沒理他。我呢,則繼續迫西先生……
我:喂,你爸無反應喎,你快D追問佢啦,一定要等佢有反應先吉利架!咁你升級先有望架!
西:吓?!
我:係呀,傳統唻架,佢唔答你,咁你可能要等到2010年先可升職囉!哩個係契機唻。
西:…………(然後又真的再問了幾次喎)

我則笑到接近斷氣。

+++++

接著,我跟西先生說,如果你爸一直不理你,你現在就扮非洲土著,當自己的客廳有一堆火,然後就赤條條地跳舞吧(請大家自行想像)。接著西先生就在電話中,扮起土著的聲音唻,又鼓又唬唬聲那種。我問他有沒有點火燒點東西來助興,他答「梗有啦!」。

+++++

要我是他爸,其實有個這樣的兒子,是真的會用刀捅他的!………衰仔,阻住晒我睇電視!

这篇日记, 令我想起这首歌.


2 則留言:

Hana 提到...

食之無味
棄之可惜
互相拖累

雪山飛狐 提到...

Here is the url:

http://anti-hkg.longluntan.info

enjoy

but I have to say it is far worse than the previous forum.